Pərviz Şükürov . "Qarabağ"

Qarabağ…Adın kimi bəxtini qaraltdıq... Qara buludlarda boğulmağına göz yumduq... Axı niyə? Yəni bu qədərmi dəyərsizləşdin vətən? Haylar səni bizdən qan bahasına alıb yurd edir, bizlərsə şəhidlərimizin ruhunun təhqir olunmasına, əsir qadınlarımızın zorlanmasına göz yumuruq, yurdumuzun işğalına susqunluğumuzla dəstək veririk. Qarabağın işğalına göz yuman susan hər bir vətəndaş anasının qarnında doğranan doğulmamış körpələrin ölümündə günahkardır. Bəli, biz xalq olaraq qisasımızı almırıqsa, axan şəhid qanlarını yerdə qoyuruqsa demək onların ölümündə məsuliyyət daşıyırıq, mənəvi olaraq şəhidlərimizi də bizlər öldürürük. Erməni vandalı bir qardaşımızı bir dəfə vəhşicəsinə öldürüb doğradısa biz hər qisas almadığımız gün şəhid qardaşımıza qarşı eyni vəhşiliyi etmiş oluruq.

 İşğalla ötən hər il şəhidlərimizi, Mübariz İbrahimovumuzu təhqir edirik. Torpaqlarımızn işğalına barışıb mübarizə aparmayan hər bir vətəndaşın vicdanı şəhidlərimizin qanına bulaşıb. Vicdanımızdan bu qanı təmizləməyin tək yolu Qarabağımızı tam olaraq işğaldan azad etmək şəhidlərimizin qanını yerdə qoymamaqdır. Təsəvvür edək ki, illərdir bir yerdə yaşadığımız qanımız eyni olan qonşumuzu qatil öldürür evini əlindən alır və bizim həyətin yarısınıda qatır öz sahəsinə bizsə çəkilib kənara onu izləyir müdaxilə etmir əksinə hər şeyə razıyıq təki başım sağ olsun mənə dəyməsinlər deyərək insanlığımıza tüpürürük. Müharibə edib bu biyabırçılığa son qoymaq əvəzinə ləkələnmiş tariximizi uzadırıq. Bizim torpağımızda özünə saxta tarix yazan 3-5 milynonluq haylar birlik olub bütün dünyada öz xalqının mənafeyini qoruyur xəyallarındakı “böyük ermənistan”ı qurur 50 milyonluq Azərbaycan xalqı əsrlərlə,illərlə “Böyük Azərbaycan”ın kiçilməsinə, parçalanmasına qarşı nəinki mübarizə aparır əksinə ermənilərlə iş birliyi qurur, ortaq olur, dostluğa can atır.

 Azərbaycan xalqı bir yumruq olub,lobbi ,milli hədəf ,milli qeyrət, milli şərəf ətrafında birləşmədikcə hər zaman əziləcək və özündən çox zəyiflərə boyun əyəcəkdir.Bunu bilirik bəs nəyi gözləyirik?niyə parçalanırıq? Artıq buna son qoymaq lazımdır. Biz özümüz milli hədəf, milli şərəf uğrunda birləşməsək, can atmasaq bizdən xalq olan deyil. Kiçikdən-böyüyüə, kasıbdan-varlıya, fəhlədən-nazirə qədər birlik qardaşlıq zamanıdır. Bayrağımız,vətənimiz, dövlətçiliyimiz, gələcək nəsillərimizin uğrunda yumruq olmaq,təbliğat aparmaq və bu müqəddəs borcu - yeni xalq hərəkatı olaraq daim yaşatmaq, qorumaq və gücləndirmək hər kəsin milli şərəf borcudur. Xalqın sınmağına,məğlubiyyətlə barışmağına, milli hisslərdən uzaqlaşmasına qarşı hərkəs ayağa qalxmalıdır .Bunun gələcək zəfərlərə ümüd yerimiz olan Qarabağın azadlığından keçir. Qarabağ tv sən bizim zəfərimizin başlanğıcısan... ümüd yerimiz, Qarabağın qan davsı, şəhidlərimizin qisası və milli birliyimizin başlanğıcını qoyacaq xalq hərəkatısan...Laçında zəfər kadrları çəkmək naminə irəli...Xalqa uğurlu xeyirli olasan...